Starbulletin.com

Kauakukalahale

Kimo Armitage

Sunday, June 15, 2003



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


He Kanikau
Kümäkena No
Ku‘u Pua Lilia



Synopsis: All Hawai'i mourns the passinng of our beloved kupuna, Lilia Wahinemaika'i Hale. Services will be held at 11 a.m. Wednesday at Honolulu Seventh Day Adventist Church, 2313 Nu'uanu Ave.


He kanikau kümäkena no ku'u pua Lilia,
Pua Lilia o ke kula o Waimänalo
Kahi äu i hänai akula i käu po'e keiki,
Keiki i hi'ipoi 'ia ma kou poli.

He hälo'ilo'i nä maka,
Waimaka o ka ua Kauaolelea- 'anae,
Pehi ho'i i ka pu'uwai o ke kanaka,
Ke kanaka i lu'ulu'u.

Ua pau kou helena
I nä pali nihoniho o Molokai,
I ka 'äina haukea o Aotearoa,
I nä hale ali'i kilakila o 'Europa.

Möhalu 'oe, e ka pua,
Pua o nä pali pa'a o Nu'uanu.
Anu ka 'ili i ke kapa limu Lïpu'upu'u,
Ka makani lawe i ke 'ala o kai.

E uë ha'alipo nö mäkou,
Aloha nui e Tütü Pua Lilia.

Ua hänau 'ia 'o Lilia Wahinemaika'i Hale ma ka lä 20 o 'Apelila i ka MH 1913 ma ke kaona 'o Pälama ma ke "Alanui Pupule". Ua hänau 'ia 'o Tütü Hale ma ka hale o Mrs. Macalton, ke kupunahine o Emma Veary.

'O Kealohanui Kanahele läua 'o Herbert Kaapuiki kona mau mäkua. 'O Kamuela Kanahele läua 'o Elizabeth Kaukeanu nä küpuna. I kona wä 'öpiopio, 'o Kamuela Kanahele ke kahu ma ka hale pule 'o Kaumakapili a ma kekahi hale pule i Kalaupapa.

Ua hä'awi ke Akua i wahi home nona ma ka 'äina ho'o- pulapula ma Waimänalo. Ma laila i hänai 'ia ai käna po'e keiki a mo'opuna ho'i. 'Elua äna keikikäne a 'elima ho'i kaikamähine.

Ua kapa mai kona mau mäkua 'o Lilia kona inoa, akä i ka hele 'ana i ke kula, na kekahi kumu 'ölelo pelekänia, na Mrs. Victor, i kapa hou mai i kona inoa 'o Lydia. I ka hea 'ia 'ana mai o ia inoa hou, 'o Lydia, 'a'ole kä i maopopo nona ia inoa. A no kona ö 'ole aku, hili 'ia maila kona lima i ka rula a kahi Mrs. Victor. Ua 'eha'eha maila ka na'au. No ia mea a no kona aloha nui ho'i i nä keiki, i ke kähea 'ana mai o ke Akua e lilo 'o ia i kumu kula, 'o ia ihola nö ka hana.

'O ka mua o ia hana, aia ma ke kula 'o Hälau Likolaulani o Hawai'i ma Waimänalo. 'O ka hope ho'i, aia ma ke kula nui i Mänoa. He mau kaukani nä haumäna i a'o 'ia e ia, a ho'omaopopo läkou a pau i kona 'ano kolohe a 'aka'aka ho'i.

He kumu na'auao a waiwai loa 'o ia no ko Hawai'i nei ma ke a'o 'ana i ka 'ölelo a me ka nohona Hawai'i. Ua hana nö ho'i i ka Waimänalo Health Center, ke kula nui ma Windward, a me kekahi mau kula aupuni nö ho'i. Aia 'o ia ma loko o nä documentary ma ka Hawaiian Legacies Series. A ua haku 'ia 'elua puke e ia, 'o "'Ölelo No'eau No Nä Keiki" a me "Ka Hulu Kohukohu".

Ua nui loa ko käkou mahalo me ke aloha ho'i iä Tütü Hale. Ua meha nä kula i kona ha'alele 'ana mai. Akä, 'o käkou kai pömaika'i i nä ha'awina he nui i a'o 'ia mai e këia tütü i aloha nui 'ia.

Aia ana ka ho'olewa ma ka Pö'akolu, lä 18 o Iune i ka MH 2003 ma ka hola 11:00 o ke awa-kea i ka Honolulu 7th Day Adventist Church ma 2313 Nu'uanu Avenue. I külike ai me kona mana'o, e lü 'ia kona po'e lehu i Näpo'opo'o, Kona Hema, Hawai'i ma ka Pö'aono, lä 20 o Iune. E 'olu'olu, mai lawe i nä pua.



E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

He Kanikau
Kūmākena No
Ku‘u Pua Lilia



Synopsis: All Hawai'i mourns the passinng of our beloved kupuna, Lilia Wahinemaika'i Hale. Services will be held at 11 a.m. Wednesday at Honolulu Seventh Day Adventist Church, 2313 Nu'uanu Ave.


He kanikau kūmākena no ku'u pua Lilia,
Pua Lilia o ke kula o Waimānalo
Kahi āu i hānai akula i kāu po'e keiki,
Keiki i hi'ipoi 'ia ma kou poli.

He hālo'ilo'i nā maka,
Waimaka o ka ua Kauaolelea- 'anae,
Pehi ho'i i ka pu'uwai o ke kanaka,
Ke kanaka i lu'ulu'u.

Ua pau kou helena
I nā pali nihoniho o Molokai,
I ka 'āina haukea o Aotearoa,
I nā hale ali'i kilakila o 'Europa.

Mōhalu 'oe, e ka pua,
Pua o nā pali pa'a o Nu'uanu.
Anu ka 'ili i ke kapa limu Līpu'upu'u,
Ka makani lawe i ke 'ala o kai.

E uē ha'alipo nō mākou,
Aloha nui e Tūtū Pua Lilia.

Ua hānau 'ia 'o Lilia Wahinemaika'i Hale ma ka lā 20 o 'Apelila i ka MH 1913 ma ke kaona 'o Pālama ma ke "Alanui Pupule". Ua hānau 'ia 'o Tūtū Hale ma ka hale o Mrs. Macalton, ke kupunahine o Emma Veary.

'O Kealohanui Kanahele lāua 'o Herbert Kaapuiki kona mau mākua. 'O Kamuela Kanahele lāua 'o Elizabeth Kaukeanu nā kūpuna. I kona wā 'ōpiopio, 'o Kamuela Kanahele ke kahu ma ka hale pule 'o Kaumakapili a ma kekahi hale pule i Kalaupapa.

Ua hā'awi ke Akua i wahi home nona ma ka 'āina ho'o- pulapula ma Waimānalo. Ma laila i hānai 'ia ai kāna po'e keiki a mo'opuna ho'i. 'Elua āna keikikāne a 'elima ho'i kaikamāhine.

Ua kapa mai kona mau mākua 'o Lilia kona inoa, akā i ka hele 'ana i ke kula, na kekahi kumu 'ōlelo pelekānia, na Mrs. Victor, i kapa hou mai i kona inoa 'o Lydia. I ka hea 'ia 'ana mai o ia inoa hou, 'o Lydia, 'a'ole kā i maopopo nona ia inoa. A no kona ō 'ole aku, hili 'ia maila kona lima i ka rula a kahi Mrs. Victor. Ua 'eha'eha maila ka na'au. No ia mea a no kona aloha nui ho'i i nā keiki, i ke kāhea 'ana mai o ke Akua e lilo 'o ia i kumu kula, 'o ia ihola nō ka hana.

'O ka mua o ia hana, aia ma ke kula 'o Hālau Likolaulani o Hawai'i ma Waimānalo. 'O ka hope ho'i, aia ma ke kula nui i Mānoa. He mau kaukani nā haumāna i a'o 'ia e ia, a ho'omaopopo lākou a pau i kona 'ano kolohe a 'aka'aka ho'i.

He kumu na'auao a waiwai loa 'o ia no ko Hawai'i nei ma ke a'o 'ana i ka 'ōlelo a me ka nohona Hawai'i. Ua hana nō ho'i i ka Waimānalo Health Center, ke kula nui ma Windward, a me kekahi mau kula aupuni nō ho'i. Aia 'o ia ma loko o nā documentary ma ka Hawaiian Legacies Series. A ua haku 'ia 'elua puke e ia, 'o "'Ōlelo No'eau No Nā Keiki" a me "Ka Hulu Kohukohu".

Ua nui loa ko kākou mahalo me ke aloha ho'i iā Tūtū Hale. Ua meha nā kula i kona ha'alele 'ana mai. Akā, 'o kākou kai pōmaika'i i nā ha'awina he nui i a'o 'ia mai e kēia tūtū i aloha nui 'ia.

Aia ana ka ho'olewa ma ka Pō'akolu, lā 18 o Iune i ka MH 2003 ma ka hola 11:00 o ke awa-kea i ka Honolulu 7th Day Adventist Church ma 2313 Nu'uanu Avenue. I kūlike ai me kona mana'o, e lū 'ia kona po'e lehu i Nāpo'opo'o, Kona Hema, Hawai'i ma ka Pō'aono, lā 20 o Iune. E 'olu'olu, mai lawe i nā pua.



E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.

--Advertisements--
--Advertisements--


| | | PRINTER-FRIENDLY VERSION
E-mail to City Desk

BACK TO TOP


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2003 Honolulu Star-Bulletin -- http://archives.starbulletin.com


-Advertisement-