Starbulletin.com

Kauakukalahale

Küpopou

Sunday, March 23, 2003



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


Nane hou


Synopsis: Answers sent in by readers. And also two answers printed a long time ago.

Aloha mai e nä hoa makamaka e pä nei ka 'ili i ka ua Kükalahale o Honolulu. Eia hou mai ka nane a ke keiki o Wai'alae.

A hua a pane!
Ke hehi ma kuahiwi,
Ke hehi ma kahakai,
'Uï ka leo.

Ha'ina nane.

Aloha mai e nä luna ho'oponopono o ke Kauakükalahale.

Eia ka'u ha'ina i ka nane a Kawika Winters: 'o ka wäwae- 'iole. 'Uï ka leo o ka 'iole, a hehi ka wäwae o ka 'iole i kuahiwi a i kahakai, 'o ka wawae'iole nö ia. He kohu wale.

me ke aloha, Kawika Tengan

Mai hei kahi i'a pahe'e iä 'oe, ua pakele na'e ma ka 'äpua. E ho'onahoa hou 'ia mai. L. H.

Eia hou mai ka lua o ka nane, he nane këia mai ke au i hala, na L. K. P. Ka Ehukai o Palemano.

Ku'u i'a pili mau me ke kanaka, 'a'ole wä e ka'awale ai; 'a'ole au e loa'a iä 'oukou me ka hau'oli, me ka 'eha'eha au e loa'a ai. He aha ka inoa o ku'u i'a?

Ha'ina nane.

Aloha mai, 'o ka 'uku paha ka ha'ina. 'A'ohe ona ola ma waho a'e o ke kanaka, a inä loa'a ke kanaka i ia 'uku, 'o kona wä 'eha-'eha nö ia -- Kawika Winter

He nani ho'ä'o këia e 'ö aku i kahi i'a kä'alo maka. 'Eä, he 'u'uku ka hana, a loa'a ai käu i'a he 'uku. E huli hou 'ia mai!

Ha'ina nane.

(Mai ke au kahiko mai.)

Mr. Lunahooponopono, Aloha oe: Ina he wahi kaawale kekahi o kau pepa, no ka'u haina o ka nane a ke keiki o Kona, penei:

Kuu i'a pili mau me ke kanaka, aole wa e kaawale ai, aole au e loaa ia oukou me ka hauoli, me ka ehaeha au e loaa ai. Heaha ka inoa o kuu i'a?

Haina. OKOLE, o ia hoi ka elemu, o ka wehewehe ana, he i'a keia aia iloko o ke kai, me ka luhi no e loaa ai, a he i'a pili pu me ke kanaka.

Ke noonoo iho no me ka ehaeha no hoi e hele ai i kahi mehameha.

Me ka lana o ka manao ua loaa pono aku la ua i'a nei ma ka piko.

Me ka mahalo,

Olomana Boy. Kailua, Oahu.

Ua poho wale kou mau manaolana no ka mea make no ka Mea Hanohano H. M. Kaniho lawe pu no oia i kena i'a. Huli hou ia mai na i'a i koe mai! -- L. H. [o ke au kahiko]

Ha'ina nane.

(Mai ke au kahiko mai.)

Mr. Lunahooponopono, Aloha oe: No ka pane ana aku i ka haina o keia wahi i'a pili mau me ke kanaka i na wa apau, i ke ao i ka po, aohe wa e kaawale ai, a ina e loaa ka inoa piha, aole iloko o ka hauoli.

Haina. IALOA: a penei:

E pili mau ana keia i'a i na wa apau me ke kanaka, a make ke kanaka aole hauoli malaila, o ia iho la ka wa e i'aloaia ai o ke kino make; no laila he i'a io no keia i kupono kona inoa piha me na haawina o ka ehaeha, a hauoli ole. Sure kela, wahi a kuu wahi pipi.

SAIONALA.

Aohe i sure mai la; ua lalau ko wahi pipi, ua kuhihewa i ka liula o Mana he wai, luhi makehewa i ke alualu. Huli hou ia mai!--L.H. [o ke au kahiko]

Aloha nö, eia nö kahi makana ke waiho aku nei ma ka haka kau, 'o ka puke nö ia i kapa 'ia 'o "Ke Aupuni Mö'ï." L. H.




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Nane hou


Synopsis: Answers sent in by readers. And also two answers printed a long time ago.

Aloha mai e nā hoa makamaka e pā nei ka 'ili i ka ua Kūkalahale o Honolulu. Eia hou mai ka nane a ke keiki o Wai'alae.

A hua a pane!
Ke hehi ma kuahiwi,
Ke hehi ma kahakai,
'Uī ka leo.

Ha'ina nane.

Aloha mai e nā luna ho'oponopono o ke Kauakūkalahale.

Eia ka'u ha'ina i ka nane a Kawika Winters: 'o ka wāwae- 'iole. 'Uī ka leo o ka 'iole, a hehi ka wāwae o ka 'iole i kuahiwi a i kahakai, 'o ka wawae'iole nō ia. He kohu wale.

me ke aloha, Kawika Tengan

Mai hei kahi i'a pahe'e iā 'oe, ua pakele na'e ma ka 'āpua. E ho'onahoa hou 'ia mai. L. H.

Eia hou mai ka lua o ka nane, he nane kēia mai ke au i hala, na L. K. P. Ka Ehukai o Palemano.

Ku'u i'a pili mau me ke kanaka, 'a'ole wā e ka'awale ai; 'a'ole au e loa'a iā 'oukou me ka hau'oli, me ka 'eha'eha au e loa'a ai. He aha ka inoa o ku'u i'a?

Ha'ina nane.

Aloha mai, 'o ka 'uku paha ka ha'ina. 'A'ohe ona ola ma waho a'e o ke kanaka, a inā loa'a ke kanaka i ia 'uku, 'o kona wā 'eha-'eha nō ia -- Kawika Winter

He nani ho'ā'o kēia e 'ō aku i kahi i'a kā'alo maka. 'Eā, he 'u'uku ka hana, a loa'a ai kāu i'a he 'uku. E huli hou 'ia mai!

Ha'ina nane.

(Mai ke au kahiko mai.)

Mr. Lunahooponopono, Aloha oe: Ina he wahi kaawale kekahi o kau pepa, no ka'u haina o ka nane a ke keiki o Kona, penei:

Kuu i'a pili mau me ke kanaka, aole wa e kaawale ai, aole au e loaa ia oukou me ka hauoli, me ka ehaeha au e loaa ai. Heaha ka inoa o kuu i'a?

Haina. OKOLE, o ia hoi ka elemu, o ka wehewehe ana, he i'a keia aia iloko o ke kai, me ka luhi no e loaa ai, a he i'a pili pu me ke kanaka.

Ke noonoo iho no me ka ehaeha no hoi e hele ai i kahi mehameha.

Me ka lana o ka manao ua loaa pono aku la ua i'a nei ma ka piko.

Me ka mahalo,

Olomana Boy. Kailua, Oahu.

Ua poho wale kou mau manaolana no ka mea make no ka Mea Hanohano H. M. Kaniho lawe pu no oia i kena i'a. Huli hou ia mai na i'a i koe mai! -- L. H. [o ke au kahiko]

Ha'ina nane.

(Mai ke au kahiko mai.)

Mr. Lunahooponopono, Aloha oe: No ka pane ana aku i ka haina o keia wahi i'a pili mau me ke kanaka i na wa apau, i ke ao i ka po, aohe wa e kaawale ai, a ina e loaa ka inoa piha, aole iloko o ka hauoli.

Haina. IALOA: a penei:

E pili mau ana keia i'a i na wa apau me ke kanaka, a make ke kanaka aole hauoli malaila, o ia iho la ka wa e i'aloaia ai o ke kino make; no laila he i'a io no keia i kupono kona inoa piha me na haawina o ka ehaeha, a hauoli ole. Sure kela, wahi a kuu wahi pipi.

SAIONALA.

Aohe i sure mai la; ua lalau ko wahi pipi, ua kuhihewa i ka liula o Mana he wai, luhi makehewa i ke alualu. Huli hou ia mai!--L.H. [o ke au kahiko]

Aloha nō, eia nō kahi makana ke waiho aku nei ma ka haka kau, 'o ka puke nō ia i kapa 'ia 'o "Ke Aupuni Mō'ī." L. H.




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.



| | | PRINTER-FRIENDLY VERSION
E-mail to City Desk


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2003 Honolulu Star-Bulletin -- http://archives.starbulletin.com


-Advertisement-