Starbulletin.com

Kauakukalahale

By Kekeha Solis

Sunday, February 16, 2003



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


He Maka‘u Paha
Ko Luna O Pi‘i
Auane‘i Ko Lalo


Synopsis: There are people opposed to the tuition waiver bill for Känaka Maoli currently in the legislature. Could fear have a role in this?


Aloha mai e nä makamaka heluhelu o Kauakükalahale. Mahalo 'ia nö nä mo'olelo o këlä me këia Läpule e puka mai ana ma nëia kolamu, a ke lana nei nö ka mana'o, ma këia hope koke aku, e ulu ka hoi i ka ua kükala hale a möhähä pono mai e au aku ai i ka nähelehele a äkea kahi mahina 'ai. Ke aloha iä 'oukou a pau loa.

'O ke kau 'aha 'ölelo nö këia a eia nö nä pila like 'ole ke makaloi 'ia nei ma nä kömike o ka Hale o nä Lunamaka'äinana a me ka 'Aha Kenekoa o Hawai'i nei. He mau pila makepono nö kekahi a he makehewa nö paha kekahi. I loko o ka nui pila e kä'alo ana i ka maka, 'o kahi pila momona o ka 'i'o, 'o ia nö ka pila e 'ölelo ana e hä'awi 'ia ke Kanaka Maoli i pale uku kula e komo ai i loko o ke kula nui o Hawai'i. 'A'ole o kana mai ko'u hau'oli i ka 'ike 'ana aku i ua pila nei.

'O ka mea na'e i uluhua ai ko'u no'ono'o, eia nö ma ke kula nui nei, ke kü maila 'o Luna mä i po'e 'enemi kü'ë'ë no këia pila me ka haku'epa 'ana i nä kumu like 'ole e hiki 'ole ai ke kü këia pila i ke känäwai me ka puana pü 'ana mai ë, "'A'ole lawa ke kälä o kahi kula nui." He keu kä ho'i ka 'alapahi. E like ho'i me kä Lilikalä Kame'eleihiwa i ho'opuka mai ai, "He iwakälua haumäna, a he haneli paha, 'a'ohe wehena o laila, ke nänä aku i ka uku o ka polopeka."

Pa'ë mai ana kahi leo, "'A'ole e hiki, o ho'opi'i 'ia auane'i." Inä i a'o 'ia 'o Luna mä i ka mo'olelo o nä Känaka Maoli, inä nö lä ua ho'omaopopo läkou ala i ka hana küpono, a inä nö lä ua pau loa läkou ala i ke käko'o mai. 'A'ole na'e pëlä. He na'aupö wale nö ma ia mähele. 'A'ole a'o 'ia ia mo'olelo ma nä kula aupuni o Hawai'i nei a puni. 'Eä, e nä hoa 'imi pono, aia nö ia pono 'o ka lökahi mai o ka mana'o. Ma laila e pau ai i ka ho'opuehu 'ia nä känaka piha maha'oi a puni pepehi Kanaka.

Ua manomano a lehulehu ka 'ikena a ka Hawai'i i kinohi, ua pa'a pono nä mo'olelo a walewaha. A i ka wä i hö'ea mai ai ka mikionali i Hawai'i nei, a ho'omaka i ke a'o i nä känaka i ke käkau a me ka heluhelu, he 'imo 'ana na ka maka, a pau ia 'ike i ka 'a'apo 'ia e nä küpuna o käkou. A 'o kekahi mea ho'i e ha'aheo ai käkou mamo, ma o ia 'ike hou läkou i ho'olaha ai i nä hana he nui lehulehu a nä malihini i kü i ka hewa. 'O ia ihola nö paha ka mea i kau ai ka weli iä Luna mä, a 'au'a ai i ka 'ike, 'a'ole e lilo na ke Kanaka Maoli. He maka'u paha ko luna o pi'i mai ko lalo.

Ke mähuahua a'e nä Känaka Maoli e 'imi nei i ka na'auao ma ke kula nui, e pi'i hou auane'i ke külana a kü hou ka Lähui i ka moku.

Me 'oukou e nä makamaka heluhelu ke aloha, a pëlä pü me nä keiki 'öniu ho'olele hua këpau o ka Hökü Buletina. Eia ko Mänoa keiki ke ho'i akula, ua ahiahi.

"E iho ana 'o luna,

E pi'i ana 'o lalo,

E hui ana nä moku,

E kü ana ka paia!"




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

He Maka‘u Paha
Ko Luna O Pi‘i
Auane‘i Ko Lalo


Synopsis: There are people opposed to the tuition waiver bill for Kānaka Maoli currently in the legislature. Could fear have a role in this?


Aloha mai e nā makamaka heluhelu o Kauakūkalahale. Mahalo 'ia nō nā mo'olelo o kēlā me kēia Lāpule e puka mai ana ma nēia kolamu, a ke lana nei nō ka mana'o, ma kēia hope koke aku, e ulu ka hoi i ka ua kūkala hale a mōhāhā pono mai e au aku ai i ka nāhelehele a ākea kahi mahina 'ai. Ke aloha iā 'oukou a pau loa.

'O ke kau 'aha 'ōlelo nō kēia a eia nō nā pila like 'ole ke makaloi 'ia nei ma nā kōmike o ka Hale o nā Lunamaka'āinana a me ka 'Aha Kenekoa o Hawai'i nei. He mau pila makepono nō kekahi a he makehewa nō paha kekahi. I loko o ka nui pila e kā'alo ana i ka maka, 'o kahi pila momona o ka 'i'o, 'o ia nō ka pila e 'ōlelo ana e hā'awi 'ia ke Kanaka Maoli i pale uku kula e komo ai i loko o ke kula nui o Hawai'i. 'A'ole o kana mai ko'u hau'oli i ka 'ike 'ana aku i ua pila nei.

'O ka mea na'e i uluhua ai ko'u no'ono'o, eia nō ma ke kula nui nei, ke kū maila 'o Luna mā i po'e 'enemi kū'ē'ē no kēia pila me ka haku'epa 'ana i nā kumu like 'ole e hiki 'ole ai ke kū kēia pila i ke kānāwai me ka puana pū 'ana mai ē, "'A'ole lawa ke kālā o kahi kula nui." He keu kā ho'i ka 'alapahi. E like ho'i me kā Lilikalā Kame'eleihiwa i ho'opuka mai ai, "He iwakālua haumāna, a he haneli paha, 'a'ohe wehena o laila, ke nānā aku i ka uku o ka polopeka."

Pa'ē mai ana kahi leo, "'A'ole e hiki, o ho'opi'i 'ia auane'i." Inā i a'o 'ia 'o Luna mā i ka mo'olelo o nā Kānaka Maoli, inā nō lā ua ho'omaopopo lākou ala i ka hana kūpono, a inā nō lā ua pau loa lākou ala i ke kāko'o mai. 'A'ole na'e pēlā. He na'aupō wale nō ma ia māhele. 'A'ole a'o 'ia ia mo'olelo ma nā kula aupuni o Hawai'i nei a puni. 'Eā, e nā hoa 'imi pono, aia nō ia pono 'o ka lōkahi mai o ka mana'o. Ma laila e pau ai i ka ho'opuehu 'ia nā kānaka piha maha'oi a puni pepehi Kanaka.

Ua manomano a lehulehu ka 'ikena a ka Hawai'i i kinohi, ua pa'a pono nā mo'olelo a walewaha. A i ka wā i hō'ea mai ai ka mikionali i Hawai'i nei, a ho'omaka i ke a'o i nā kānaka i ke kākau a me ka heluhelu, he 'imo 'ana na ka maka, a pau ia 'ike i ka 'a'apo 'ia e nā kūpuna o kākou. A 'o kekahi mea ho'i e ha'aheo ai kākou mamo, ma o ia 'ike hou lākou i ho'olaha ai i nā hana he nui lehulehu a nā malihini i kū i ka hewa. 'O ia ihola nō paha ka mea i kau ai ka weli iā Luna mā, a 'au'a ai i ka 'ike, 'a'ole e lilo na ke Kanaka Maoli. He maka'u paha ko luna o pi'i mai ko lalo.

Ke māhuahua a'e nā Kānaka Maoli e 'imi nei i ka na'auao ma ke kula nui, e pi'i hou auane'i ke kūlana a kū hou ka Lāhui i ka moku.

Me 'oukou e nā makamaka heluhelu ke aloha, a pēlā pū me nā keiki 'ōniu ho'olele hua kēpau o ka Hōkū Buletina. Eia ko Mānoa keiki ke ho'i akula, ua ahiahi.

"E iho ana 'o luna,

E pi'i ana 'o lalo,

E hui ana nā moku,

E kū ana ka paia!"




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.



| | | PRINTER-FRIENDLY VERSION
E-mail to City Desk


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2003 Honolulu Star-Bulletin -- http://archives.starbulletin.com


-Advertisement-