Starbulletin.com

Kauakukalahale

Leilani Basham

Sunday, January 26, 2003



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


Ua Mau ke Ea o ka
‘Äina i ka Pono


This poem marks the 110th anniversary of the overthrow and questions the State motto that asserts the independence of the Hawaiian Kingdom and people.


Ua mau ke ea o ka 'äina

i ka pono

Ua mau


ke ea



o ka 'äina




i ka pono?

'O ia?

'Ane'ane e piha mai

he 160 makahiki

mai ka wä i leo mua 'ia ai

këia 'ölelo mäkia.

He mana'o nui na'e ia

mai ka wä kahiko loa mai

mai nä küpuna mai

Auë ke aloha ë--

Ua mau ke ea o ka 'äina i ka pono

Ua mau


ke ea



o ka 'äina




i ka pono?

'O ia nö?

Aia nö i ka makahiki 1843 i

ho'opuka 'ia ai këia mäkia

mai ka waha mai o ko käkou

Mö'ï Kauikeaouli

Ma o ia 'ölelo, hö'oia 'ia ke kü'oko'a o ke Aupuni Hawai'i,

ke kü'oko'a o ka Mö'ï a me

ke kü'oko'a o ka 'äina.

Auë ke aloha ë--

Ua mau ke ea o ka 'äina

i ka pono

Ua mau


ke ea



o ka 'äina




i ka pono?

'O ia ho'i?

A pehea lä i ka makahiki 1893? Ua hala he 50 maka

hiki, a hala pü akula ke

kü'okoa o ke Aupuni a me

ka lähui kanaka

A ma hope aku, ho'ohui 'ia 'o

Hawai'i me 'Amelika

Këlä 'äina kaulana i ke kaena

aku i kona külana he kaulike

He 'aeko wale nö 'o ia e 'imi

ana i kona mea e kä'ili aku ai

me ka nïnau 'ole a me ka

nänä 'ole aku

'A'ole ia he kaulike

no ko käkou lähui

no ko käkou po'e küpuna

A pëlä pü i ka makahiki 1959

'A'ole i nïnau 'ia mai ke

Kanaka Maoli i kona mana'o

akä, ua lilo aku nö 'o Hawai'i

i moku'äina no 'Amelika

a lilo ho'i ia 'ölelo o ko

käkou Mö'ï i mäkia no këia

moku 'äina

Wahi a läkou,

Ua mau ke ea o ka 'äina

i ka pono

Auë ke aloha ë--

Ua mau ke ea o ka 'äina

i ka pono

Ua mau


ke ea



o ka 'äina




i ka pono?

'O ia kä?

Hana 'ino maoli 'ia nö ko

käkou lähui, ko käkou 'äina,

ko käkou pono,

Eia na'e, i loko nö o nä pilikia

a pau, ua pololei këia 'ölelo.

Ua mau ke ea o ka 'äina

i ka pono

Ua mau


ke ea



o ka 'äina




i ka pono?

'Ae, ua mau nö

ma muli o käkou

nä känaka o ka 'äina

ma muli o ko käkou

ho'omau 'ana

i nä loina o nä küpuna

ma muli o ko käkou küpa'a 'ana

i ka 'ölelo o nä küpuna

ma muli o ko käkou 'imi 'ana

i ke alahele e pono ai

nä küpuna

ma muli o ko käkou 'imi 'ana

i ia mea


he ea



a he 'äina




a he pono

Auë ke aloha ë--

17 Ianuali 2003




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Ua Mau ke Ea o ka
‘Āina i ka Pono


This poem marks the 110th anniversary of the overthrow and questions the State motto that asserts the independence of the Hawaiian Kingdom and people.


Ua mau ke ea o ka 'āina

i ka pono

Ua mau


ke ea



o ka 'āina




i ka pono?

'O ia?

'Ane'ane e piha mai

he 160 makahiki

mai ka wā i leo mua 'ia ai

kēia 'ōlelo mākia.

He mana'o nui na'e ia

mai ka wā kahiko loa mai

mai nā kūpuna mai

Auē ke aloha ē--

Ua mau ke ea o ka 'āina i ka pono

Ua mau


ke ea



o ka 'āina




i ka pono?

'O ia nō?

Aia nō i ka makahiki 1843 i

ho'opuka 'ia ai kēia mākia

mai ka waha mai o ko kākou

Mō'ī Kauikeaouli

Ma o ia 'ōlelo, hō'oia 'ia ke kū'oko'a o ke Aupuni Hawai'i,

ke kū'oko'a o ka Mō'ī a me

ke kū'oko'a o ka 'āina.

Auē ke aloha ē--

Ua mau ke ea o ka 'āina

i ka pono

Ua mau


ke ea



o ka 'āina




i ka pono?

'O ia ho'i?

A pehea lā i ka makahiki 1893? Ua hala he 50 maka

hiki, a hala pū akula ke

kū'okoa o ke Aupuni a me

ka lāhui kanaka

A ma hope aku, ho'ohui 'ia 'o

Hawai'i me 'Amelika

Kēlā 'āina kaulana i ke kaena

aku i kona kūlana he kaulike

He 'aeko wale nō 'o ia e 'imi

ana i kona mea e kā'ili aku ai

me ka nīnau 'ole a me ka

nānā 'ole aku

'A'ole ia he kaulike

no ko kākou lāhui

no ko kākou po'e kūpuna

A pēlā pū i ka makahiki 1959

'A'ole i nīnau 'ia mai ke

Kanaka Maoli i kona mana'o

akā, ua lilo aku nō 'o Hawai'i

i moku'āina no 'Amelika

a lilo ho'i ia 'ōlelo o ko

kākou Mō'ī i mākia no kēia

moku 'āina

Wahi a lākou,

Ua mau ke ea o ka 'āina

i ka pono

Auē ke aloha ē--

Ua mau ke ea o ka 'āina

i ka pono

Ua mau


ke ea



o ka 'āina




i ka pono?

'O ia kā?

Hana 'ino maoli 'ia nō ko

kākou lāhui, ko kākou 'āina,

ko kākou pono,

Eia na'e, i loko nō o nā pilikia

a pau, ua pololei kēia 'ōlelo.

Ua mau ke ea o ka 'āina

i ka pono

Ua mau


ke ea



o ka 'āina




i ka pono?

'Ae, ua mau nō

ma muli o kākou

nā kānaka o ka 'āina

ma muli o ko kākou

ho'omau 'ana

i nā loina o nā kūpuna

ma muli o ko kākou kūpa'a 'ana

i ka 'ōlelo o nā kūpuna

ma muli o ko kākou 'imi 'ana

i ke alahele e pono ai

nā kūpuna

ma muli o ko kākou 'imi 'ana

i ia mea


he ea



a he 'āina




a he pono

Auē ke aloha ē--

17 Ianuali 2003




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.



| | | PRINTER-FRIENDLY VERSION
E-mail to City Desk


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2003 Honolulu Star-Bulletin -- http://archives.starbulletin.com


-Advertisement-