Starbulletin.com

Kauakukalahale

By Noenoe K. Silva



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


Ke Aupuni Mau


Summary: Events commemorating 1893 intervention and 1993 'Onipa'a planned for this coming week at 'Iolani Palace.


Ua ho'okumu 'ia he 'ahahui hou no ka na'i 'ana i ke ea o Hawai'i nei. 'O Living Nation ka inoa o ua 'ahahui nei, a e ho'olälä mai ana läkou i kekahi mau hanana no këia pule, no ka ho'omana'o 'ana i ke komo kuleana 'ole o 'Amelika, 1893 a me 'Onipa'a 1993. Alaka'i 'ia ka 'aha e Mel Kalahiki, he alaka'i 'o ia no 'Onipa'a a no "We Are Who We Were" i ka MH 1998.

'O kekahi mana'o nui o Living Nation, ho'ona'auao hewa 'ia nä hanauna o ke kenekulia iwakälua, a, i këia au e holo nei, nui ka 'ike hou e pili ana i nä hana hewa o 1893, 1898, a pëlä aku. He mea nui këia mau mo'olelo 'oia'i'o. Mea mai ua 'o Mel a me Lynette Cruz, ua mana'o käkou, he mau luaahi käkou no nä hewa o nä mea mana ma o ka noho hewa 'ana o 'Amelika ma ko käkou 'äina aloha, akä, e aho e ho'oulu 'ia käkou ma ka ho'omaopopo 'ana, 'a'ole i hä'awipio wale ko käkou mau küpuna, a no laila, kähea 'ia nö ho'i käkou e hana e like me läkou. Ua maopopo, ua paio ikaika nä küpuna, ua maika'i kä läkou hana ma nä palapala ho'opi'i kü'ë ho'ohui 'äina, no ka mea, ua hä'ule ka bila ho'ohui 'äina ma ka Senate o 'Amelika. 'O ke kä'ili maila nö ia o ke aupuni 'Amelika ma o ka Ho'oholo Nulana i kü 'ole i ke känäwai. 'A'ole 'ike pono 'ia nä hopena a pau o këia hana, aia i ka nänä 'ana. 'O ka mea maopopo le'a, he mana ka 'ike i ka 'oia'i'o, he hana hewa nö ia, a ua kü'ë nui nä küpuna.

Ua käkau 'o Lynette me Mel penei: kähea mai 'o Living Nation iä käkou a pau loa e ho'omana'o i nä hana o ka wä i hala, a me nä kumu 'oia'i'o no ia mau hana. Nui ke aloha o nä lälä o Living Nation no ka po'e, no ka mea, 'o läkou nö ka lähui, eia nö ke ola nei ma hope o ho'okahi haneli makahiki o ka ho'ä'o 'ana e holoi aku i ka ho'omana'o 'ana i nä mea maoli. He kuleana ko käkou e mälama i ka Lähui, ka lehulehu, nä 'äina, a me nä waiwai e pono ai ke aupuni Hawai'i.

No laila, kono 'ia nä mea a pau i nä hanana o këia pule, a penei ka papa hana:

Pö'akahi, Ianuali 13

>> 8:00 - Ho'okupu ma ke ki'i o ka Mö'ïwahine Lili'uokalani.
>> 10:30 - 'Aha mele na ka Royal Hawaiian Band ma 'Iolani Hale.
>> 11:30 - Hana ho'ohanohano na Living Nation, Hale Poni Mö'ï.
>> 1:30 - Ho'omaka ka wikilia.

Pö'alua, Ianuali 14

>> E mau ana ka wikilia a i ka Pö'alima.

Pö'akolu, Ianuali 15

>> 8:00 - Häläwai maka'äinana nui ma ka Hale Ali'i. Ho'okupu ma ke ki'i o Lili'uokalani.

Pö'ahä, Ianuali 16

>> 4:00 - Ho'okupu na Living Nation, 'Iolani Hale.

Pö'alima, Ianuali 17

>> 6:30 - E 'äkoakoa ma ka huina o ke alanui Päpü me ke alanui Mö'ïwahine.
>> 8:00 - Huaka'i ho'omana'o 'Onipa'a.
>> 10 - Hana 'awa, Hale Ali'i
>> 12:00-1:00 - 'Aha mele, Häläwai maka'äinana, Hale Ali'i.
>> 6:00 - Panina. Paikau mai Wakinekona Hale a ka Hale Ali'i.

He nïnau? E kähea aku iä Lynette Cruz, 738-0084. E nänä ma livingnation.org.




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Ke Aupuni Mau


Summary: Events commemorating 1893 intervention and 1993 'Onipa'a planned for this coming week at 'Iolani Palace.


Ua ho'okumu 'ia he 'ahahui hou no ka na'i 'ana i ke ea o Hawai'i nei. 'O Living Nation ka inoa o ua 'ahahui nei, a e ho'olālā mai ana lākou i kekahi mau hanana no kēia pule, no ka ho'omana'o 'ana i ke komo kuleana 'ole o 'Amelika, 1893 a me 'Onipa'a 1993. Alaka'i 'ia ka 'aha e Mel Kalahiki, he alaka'i 'o ia no 'Onipa'a a no "We Are Who We Were" i ka MH 1998.

'O kekahi mana'o nui o Living Nation, ho'ona'auao hewa 'ia nā hanauna o ke kenekulia iwakālua, a, i kēia au e holo nei, nui ka 'ike hou e pili ana i nā hana hewa o 1893, 1898, a pēlā aku. He mea nui kēia mau mo'olelo 'oia'i'o. Mea mai ua 'o Mel a me Lynette Cruz, ua mana'o kākou, he mau luaahi kākou no nā hewa o nā mea mana ma o ka noho hewa 'ana o 'Amelika ma ko kākou 'āina aloha, akā, e aho e ho'oulu 'ia kākou ma ka ho'omaopopo 'ana, 'a'ole i hā'awipio wale ko kākou mau kūpuna, a no laila, kāhea 'ia nō ho'i kākou e hana e like me lākou. Ua maopopo, ua paio ikaika nā kūpuna, ua maika'i kā lākou hana ma nā palapala ho'opi'i kū'ē ho'ohui 'āina, no ka mea, ua hā'ule ka bila ho'ohui 'āina ma ka Senate o 'Amelika. 'O ke kā'ili maila nō ia o ke aupuni 'Amelika ma o ka Ho'oholo Nulana i kū 'ole i ke kānāwai. 'A'ole 'ike pono 'ia nā hopena a pau o kēia hana, aia i ka nānā 'ana. 'O ka mea maopopo le'a, he mana ka 'ike i ka 'oia'i'o, he hana hewa nō ia, a ua kū'ē nui nā kūpuna.

Ua kākau 'o Lynette me Mel penei: kāhea mai 'o Living Nation iā kākou a pau loa e ho'omana'o i nā hana o ka wā i hala, a me nā kumu 'oia'i'o no ia mau hana. Nui ke aloha o nā lālā o Living Nation no ka po'e, no ka mea, 'o lākou nō ka lāhui, eia nō ke ola nei ma hope o ho'okahi haneli makahiki o ka ho'ā'o 'ana e holoi aku i ka ho'omana'o 'ana i nā mea maoli. He kuleana ko kākou e mālama i ka Lāhui, ka lehulehu, nā 'āina, a me nā waiwai e pono ai ke aupuni Hawai'i.

No laila, kono 'ia nā mea a pau i nā hanana o kēia pule, a penei ka papa hana:

Pō'akahi, Ianuali 13

>> 8:00 - Ho'okupu ma ke ki'i o ka Mō'īwahine Lili'uokalani.
>> 10:30 - 'Aha mele na ka Royal Hawaiian Band ma 'Iolani Hale.
>> 11:30 - Hana ho'ohanohano na Living Nation, Hale Poni Mō'ī.
>> 1:30 - Ho'omaka ka wikilia.

Pō'alua, Ianuali 14

>> E mau ana ka wikilia a i ka Pō'alima.

Pō'akolu, Ianuali 15

>> 8:00 - Hālāwai maka'āinana nui ma ka Hale Ali'i. Ho'okupu ma ke ki'i o Lili'uokalani.

Pō'ahā, Ianuali 16

>> 4:00 - Ho'okupu na Living Nation, 'Iolani Hale.

Pō'alima, Ianuali 17

>> 6:30 - E 'ākoakoa ma ka huina o ke alanui Pāpū me ke alanui Mō'īwahine.
>> 8:00 - Huaka'i ho'omana'o 'Onipa'a.
>> 10 - Hana 'awa, Hale Ali'i
>> 12:00-1:00 - 'Aha mele, Hālāwai maka'āinana, Hale Ali'i.
>> 6:00 - Panina. Paikau mai Wakinekona Hale a ka Hale Ali'i.

He nīnau? E kāhea aku iā Lynette Cruz, 738-0084. E nānā ma livingnation.org.




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.



| | | PRINTER-FRIENDLY VERSION
E-mail to City Desk


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2003 Honolulu Star-Bulletin -- https://archives.starbulletin.com


-Advertisement-