By Ke'ala Chock,
Kaluhialoha Eldridge
and Makanalani Irvine
By Ke'ala Chock,
Kaluhialoha Eldridge
and Makanalani Irvine
Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html
Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.
No ka makahiki
Synopsis: Makahiki was a season that the Hawaiian people set aside every year to give thanks to Lono, the god of agriculture, peace, and fertility among other things. A time of peace, rejuvenation, and restoration of mind, spirit, and 'äina.
I nä makahiki a pau, e hakü mai ka huihui 'o Makali'i ma kahi o ka hopena o 'Okakopa a i 'ole ma nä lä mua o Nowemapa i hö'ailona e kuhikuhi ana i ka ho'omaka 'ana o ke kau o ka Makahiki. Wahi a nä po'e Hawai'i, 'o ia ka malama 'o 'Ikuä. Ua heluhelu 'ia kekahi mea a Manu Boyd o ke käkau 'ana mai i loko o ka nüpepa 'o Ka Wai Ola o OHA, "'O 'Ikuwä i pohä kö 'ele'ele, 'Ikuwä ke kai, 'Ikuwä ka hekili, 'Ikuwä ka manu." 'O ia nö ka manawa e hiki mai ai ka hekili, ka uila, ka ua a me ia mea aku ia mea aku i mau hö'ailona e 'ike ai ua hö'ea maila ka makahiki.I wä këia no ka po'e Hawai'i e ho'ohanohano aku ai iä Lono. He akua 'o Lono no ka 'oihana mahi'ai, ka hänau keiki 'ana, ka maluhia, a me nä mea like he nui aku nö. 'O ia nö ke kia'i näna e mälama i ia mau mea. 'Oiai ke kau o ka Makahiki, ua päpä 'ia ke kaua, ka lawai'a, a me ka mahi'ai 'a'ole e hana 'ia këia mau mea. Pëia pü me kekahi mau hana ko'iko'i 'ë a'e e la'a ke kükulu 'ana i ka heiau a me ka hana 'ana i lo'i kekahi. Ua kapu ia wä no Lono.
Ho'omaka nä hana ho'ohanohano ma ka pö mua ma hope o ka hakü 'ana o Makali'i; 'a'ole i ke aumoe lilo, i ke ahiahi na'e ma hope iho o ka napo'o 'ana o ka lä. Komo maila nä po'e i nä lole kähiko a hele i kai i ka hi'uwai. Hö'ä 'ia nä kukui mai 'ö a 'ö ma ka 'aekai. Wehe nö i nä lole a 'au'au aku nö läkou a ma'ema'e ma nä 'ano a pau. Ua mana'o 'ia, aia nö a hi'uwai me ka no'ono'o küpono, a laila kala 'ia kou mau lawehala 'ana.
I ke kakahiaka 'ana a'e o kekahi lä, ka'apuni nä känaka i ka mokupuni me ka häpai pü 'ana i kekahi pahu. He lä'au ia nona ke ki'i e kau ana i luna. He kohu ke'a me nä kapa ke'oke'o a me kauwahi hulu manu e luhe ana i lalo. Hele aku nä po'e i 'ö a i 'ane'i ma nä külanakauhale i mea e 'ohi ai i nä mea'ai a me nä mea i hana 'ia no Lono a me nä ali'i. Na läkou nö e hahau i ka pa'i 'ai, ka niu, ke külolo, a me ka 'awa. 'O ka mälama i ke akua ka mea e kü ai i ka pae 'äina 'o Hawai'i, eä?
I mälama 'ia he mau pä'ani i mea e mau ai ka ikaika o ke kino o nä koa i ka wä e kaua 'ole ana. 'O ka 'ö'ö ihe 'oe, ka 'ulu maika 'oe, ka moa pahe'e, ka mokomoko, ka he'e hölua, a me ka hula kekahi. 'Oi pä'ani nö a kulu loa ka pö. He le'ale'a mai ho'i kau!
Ma nä lä hope o ka mahina 'o Ianuali a ma nä lä mua paha o Pepeluali, ua pau loa nö nä hanana a pau o ka makahiki. A pau ka Makahiki, ho'i aku i nä hana ma'amau o këlä lä këia lä.
I këia mau lä, ho'olaule'a kekahi mau po'e i ka wä o ka Makahiki akä, 'a'ohe wahi 'ano o ka Makahiki o ka wä kahiko. Eia na'e kekahi po'e ke hele nei i Kaho'olawe me ke ki'i pü aku e mälama i nä pä'ani Makahiki me ia i mälama 'ia ai i ka wä kahiko. "Ou kino e Lono i ka lani ... e kü i ka malo a hiu!"
E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
BACK TO TOP |
Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.No ka makahiki
Synopsis: Makahiki was a season that the Hawaiian people set aside every year to give thanks to Lono, the god of agriculture, peace, and fertility among other things. A time of peace, rejuvenation, and restoration of mind, spirit, and 'äina.
I nā makahiki a pau, e hakū mai ka huihui 'o Makali'i ma kahi o ka hopena o 'Okakopa a i 'ole ma nā lā mua o Nowemapa i hō'ailona e kuhikuhi ana i ka ho'omaka 'ana o ke kau o ka Makahiki. Wahi a nā po'e Hawai'i, 'o ia ka malama 'o 'Ikuā. Ua heluhelu 'ia kekahi mea a Manu Boyd o ke kākau 'ana mai i loko o ka nūpepa 'o Ka Wai Ola o OHA, "'O 'Ikuwā i pohā kō 'ele'ele, 'Ikuwā ke kai, 'Ikuwā ka hekili, 'Ikuwā ka manu." 'O ia nō ka manawa e hiki mai ai ka hekili, ka uila, ka ua a me ia mea aku ia mea aku i mau hō'ailona e 'ike ai ua hō'ea maila ka makahiki.I wā kēia no ka po'e Hawai'i e ho'ohanohano aku ai iā Lono. He akua 'o Lono no ka 'oihana mahi'ai, ka hānau keiki 'ana, ka maluhia, a me nā mea like he nui aku nō. 'O ia nō ke kia'i nāna e mālama i ia mau mea. 'Oiai ke kau o ka Makahiki, ua pāpā 'ia ke kaua, ka lawai'a, a me ka mahi'ai 'a'ole e hana 'ia kēia mau mea. Pēia pū me kekahi mau hana ko'iko'i 'ē a'e e la'a ke kūkulu 'ana i ka heiau a me ka hana 'ana i lo'i kekahi. Ua kapu ia wā no Lono.
Ho'omaka nā hana ho'ohanohano ma ka pō mua ma hope o ka hakū 'ana o Makali'i; 'a'ole i ke aumoe lilo, i ke ahiahi na'e ma hope iho o ka napo'o 'ana o ka lā. Komo maila nā po'e i nā lole kāhiko a hele i kai i ka hi'uwai. Hō'ā 'ia nā kukui mai 'ō a 'ō ma ka 'aekai. Wehe nō i nā lole a 'au'au aku nō lākou a ma'ema'e ma nā 'ano a pau. Ua mana'o 'ia, aia nō a hi'uwai me ka no'ono'o kūpono, a laila kala 'ia kou mau lawehala 'ana.
I ke kakahiaka 'ana a'e o kekahi lā, ka'apuni nā kānaka i ka mokupuni me ka hāpai pū 'ana i kekahi pahu. He lā'au ia nona ke ki'i e kau ana i luna. He kohu ke'a me nā kapa ke'oke'o a me kauwahi hulu manu e luhe ana i lalo. Hele aku nā po'e i 'ō a i 'ane'i ma nā kūlanakauhale i mea e 'ohi ai i nā mea'ai a me nā mea i hana 'ia no Lono a me nā ali'i. Na lākou nō e hahau i ka pa'i 'ai, ka niu, ke kūlolo, a me ka 'awa. 'O ka mālama i ke akua ka mea e kū ai i ka pae 'āina 'o Hawai'i, eā?
I mālama 'ia he mau pā'ani i mea e mau ai ka ikaika o ke kino o nā koa i ka wā e kaua 'ole ana. 'O ka 'ō'ō ihe 'oe, ka 'ulu maika 'oe, ka moa pahe'e, ka mokomoko, ka he'e hōlua, a me ka hula kekahi. 'Oi pā'ani nō a kulu loa ka pō. He le'ale'a mai ho'i kau!
Ma nā lā hope o ka mahina 'o Ianuali a ma nā lā mua paha o Pepeluali, ua pau loa nō nā hanana a pau o ka makahiki. A pau ka Makahiki, ho'i aku i nā hana ma'amau o kēlā lā kēia lā.
I kēia mau lā, ho'olaule'a kekahi mau po'e i ka wā o ka Makahiki akā, 'a'ohe wahi 'ano o ka Makahiki o ka wā kahiko. Eia na'e kekahi po'e ke hele nei i Kaho'olawe me ke ki'i pū aku e mālama i nā pā'ani Makahiki me ia i mālama 'ia ai i ka wā kahiko. "Ou kino e Lono i ka lani ... e kū i ka malo a hiu!"
E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i 'ole ia, ma ke kelepona:
>> 956-2627 (Laiana)
>> 956-2624 (Kekeha)
This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.
