Starbulletin.com

Kauakukalahale

By Kekeha Solis

Sunday, December 29, 2002



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


Hui Nä Maka I Kou

Synopsis: Nä Mea Hawai'i, a new store on the corner of Fort Street and Merchant, has opened, offering a venue for people to meet at Kou, as was done in the days of old.


'O ka 'ölelo e kau a'ela ma luna, he 'ölelo ia na kahiko no ka 'äkoakoa 'ana aku o nä käne, nä wähine me kamali'i i Kou e mäka'ika'i ai i ka hana a nä Ali'i e ho'okükü ai i ko läkou ikaika a me ke akamai, e la'a me ka maika a me ke könane. Aloha nö ia mau lä.

Eia na'e kahi mea hou e hui hou aku ai nä maka i Kou, he hale kü'ai i kapa 'ia 'o NÄ MEA HAWAI'I, ma ka hale 'o Judd, e kü akula ma ka huina o ke alanui 'o Päpü a me Kälepa.

Kipa aku nei au i laila ma ka pule aku nei i hala, a launa pü aku nei au me Betty Santos, ka luna o Nä Mea Hawai'i, a he 'olu'olu maoli nö kona 'ano ma ke kolekole 'ana me ke kökua pü 'ana mai. Wehewehe maila 'o Betty i ke ki'i u'i palena 'ole o nä Ko'olau e kau ana ma ka paia, i pena 'ia e Meleanna Meyer me kona mau hoa hana no'eau, a me nä ao 'öpua e lewalewa ana.

'O nä mea a pau o loko, ma Hawai'i nei e hana 'ia ai. He nui nä 'ano mea 'ono e moni ai ka hä 'ae a me nä 'ano mea hiluhilu like 'ole e kau ai nä maka. 'O kekahi, 'o ka lei püpü Ni'ihau, 'a'ole o kana mai ka nani. He mau päpale lauhala kekahi e päpale ai i ka wä holoholo. Ua lilo kekahi po'opo'o o ia hale kü'ai i "Päka Hana No'eau" e hö'ike'ike ai i ka hana no'eau. Ma laila e kü nei kekahi mau ki'i lä'au a Rocky Jensen, a ma nä paia o ia "päka" e kau nei nä ki'i i pena 'ia e kekahi mau pena ki'i kaulana o Hawai'i nei.

Mea mai nei 'o Betty, nui nä po'opo'o o ia hale kü'ai, no laila, ma këia hope aku, e mälama 'ia paha kahi papa 'ölelo Hawai'i ma kekahi, a ma kekahi ka lomilomi 'ana e 'olu'olu ai ke kino a me ka no'ono'o a i wahi paha e ku'u ai ka nae o ka lä hana.

'O ka mea nona ka hale kü'ai, 'o ia nö 'o Maile Meyer. A ua hui pü 'o ia nei me kekahi mau hui, 'o ia ho'i, 'o Hale Kü'ai, 'o Forever Kaua'i, 'o Nake'u Awai, a me kekahi hui hana no'eau i kapa 'ia 'o Bibelot Gallery. A no laila, inä he makana käu e 'imi ai i makana näu iho, a na ha'i paha, e naue aku i nëia hale kü'ai hou i mea e käko'o ai i nä känaka o Hawai'i nei.

E hui aku nä maka i Kou!

HE NANE

Ke hehi ma kuahiwi,
Ke hehi ma kahakai,
'Uï ka leo.
Me ke aloha pumehana,

Käwika Winter
Wai'alae, O'ahu

HE NANE

Ku'u i'a pili mau me ke kanaka, 'a'ole wä e ka'awale ai; 'a'ole au e loa'a iä 'oukou me ka hau'oli, me ka 'eha'eha au e loa'a ai. He aha ka inoa o ku'u i'a?

L. K. P. Ka Ehukai o Palemano

Makana: 'O ka puke 'ölelo Hawai'i hou i kapa 'ia 'o "Ke Aupuni Mö'ï". A 'o ke kanaka näna e ho'ouna mua mai i ka hä'ina pololei o ka nane mua o luna a'e nei, me kona wehewehe 'ia 'ana , e lilo iä ia ka makana. A pëlä ho'i me ka lua o ka nane. Me ka po'e heluhelu o ke kolamu Kauakükalahale a me nä po'e huli nane ka welina. LH




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)



BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Hui Nā Maka I Kou

Synopsis: Nā Mea Hawai'i, a new store on the corner of Fort Street and Merchant, has opened, offering a venue for people to meet at Kou, as was done in the days of old.


'O ka 'ōlelo e kau a'ela ma luna, he 'ōlelo ia na kahiko no ka 'ākoakoa 'ana aku o nā kāne, nā wāhine me kamali'i i Kou e māka'ika'i ai i ka hana a nā Ali'i e ho'okūkū ai i ko lākou ikaika a me ke akamai, e la'a me ka maika a me ke kōnane. Aloha nō ia mau lā.

Eia na'e kahi mea hou e hui hou aku ai nā maka i Kou, he hale kū'ai i kapa 'ia 'o NĀ MEA HAWAI'I, ma ka hale 'o Judd, e kū akula ma ka huina o ke alanui 'o Pāpū a me Kālepa.

Kipa aku nei au i laila ma ka pule aku nei i hala, a launa pū aku nei au me Betty Santos, ka luna o Nā Mea Hawai'i, a he 'olu'olu maoli nō kona 'ano ma ke kolekole 'ana me ke kōkua pū 'ana mai. Wehewehe maila 'o Betty i ke ki'i u'i palena 'ole o nā Ko'olau e kau ana ma ka paia, i pena 'ia e Meleanna Meyer me kona mau hoa hana no'eau, a me nā ao 'ōpua e lewalewa ana.

'O nā mea a pau o loko, ma Hawai'i nei e hana 'ia ai. He nui nā 'ano mea 'ono e moni ai ka hā 'ae a me nā 'ano mea hiluhilu like 'ole e kau ai nā maka. 'O kekahi, 'o ka lei pūpū Ni'ihau, 'a'ole o kana mai ka nani. He mau pāpale lauhala kekahi e pāpale ai i ka wā holoholo. Ua lilo kekahi po'opo'o o ia hale kū'ai i "Pāka Hana No'eau" e hō'ike'ike ai i ka hana no'eau. Ma laila e kū nei kekahi mau ki'i lā'au a Rocky Jensen, a ma nā paia o ia "pāka" e kau nei nā ki'i i pena 'ia e kekahi mau pena ki'i kaulana o Hawai'i nei.

Mea mai nei 'o Betty, nui nā po'opo'o o ia hale kū'ai, no laila, ma kēia hope aku, e mālama 'ia paha kahi papa 'ōlelo Hawai'i ma kekahi, a ma kekahi ka lomilomi 'ana e 'olu'olu ai ke kino a me ka no'ono'o a i wahi paha e ku'u ai ka nae o ka lā hana.

'O ka mea nona ka hale kū'ai, 'o ia nō 'o Maile Meyer. A ua hui pū 'o ia nei me kekahi mau hui, 'o ia ho'i, 'o Hale Kū'ai, 'o Forever Kaua'i, 'o Nake'u Awai, a me kekahi hui hana no'eau i kapa 'ia 'o Bibelot Gallery. A no laila, inā he makana kāu e 'imi ai i makana nāu iho, a na ha'i paha, e naue aku i nēia hale kū'ai hou i mea e kāko'o ai i nā kānaka o Hawai'i nei.

E hui aku nā maka i Kou!

HE NANE

Ke hehi ma kuahiwi,
Ke hehi ma kahakai,
'Uī ka leo.
Me ke aloha pumehana,

Kāwika Winter
Wai'alae, O'ahu

HE NANE

Ku'u i'a pili mau me ke kanaka, 'a'ole wā e ka'awale ai; 'a'ole au e loa'a iā 'oukou me ka hau'oli, me ka 'eha'eha au e loa'a ai. He aha ka inoa o ku'u i'a?

L. K. P. Ka Ehukai o Palemano

Makana: 'O ka puke 'ōlelo Hawai'i hou i kapa 'ia 'o "Ke Aupuni Mō'ī". A 'o ke kanaka nāna e ho'ouna mua mai i ka hā'ina pololei o ka nane mua o luna a'e nei, me kona wehewehe 'ia 'ana , e lilo iā ia ka makana. A pēlā ho'i me ka lua o ka nane. Me ka po'e heluhelu o ke kolamu Kauakūkalahale a me nā po'e huli nane ka welina. LH




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is coordinated by the Hawaiian Language Department
at the University of Hawai'i at Mānoa, supported by UH
President Evan Dobelle's Initiative for Achieving Native Hawaiian
Academic Excellence.



| | | PRINTER-FRIENDLY VERSION
E-mail to City Desk


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2002 Honolulu Star-Bulletin -- http://archives.starbulletin.com


-Advertisement-