Starbulletin.com

Kauakukalahale

By No'eau Warner

Sunday, November 17, 2002



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


He mahalo i nä
Wähine Änuenue


Synopsis: This relates to Rainbow Wähine volleyball and their weak WAC schedule.


E Kauakükalahale ë, welina mai ke aloha.

Ma ka pö Pö'aono o këlä pule aku nei, mäka'ika'i a'ela nä känaka he 10,250 a 'oi iki a'e e 'ike i ka hahana o ka ho'okükü pöpö pa'ilima wahine ma waena o Hawai'i me kona hoapäonioni 'o Kanapola.

He hö'ailona ua heluna nei no ke ohohia a me ka mahalo nui i ka nui akamai o Po'oka'i Dave Shoji a me käna mau Wähine Änuenue i nei pä'ani he pöpö pa'ilima. 'Akahi nö a kau 'o Shoji i ia hano he lae'ula pöpö pa'ilima no 'Amelika a puni.

Ma lalo o Shoji i eo ai iä Hawai'i nä ho'okükü he 793 a i hä'ule ai he 146 wale nö, me ka lilo 'ana mai he 'ehä inoa moho NCAA iä Hawai'i (i nä MH '79, '82, '83, a '87 ho'i). A eia nö ke paio nei i lilo 'o Hawai'i 'o ia ka moho o ka makahiki 2002.

I loko nö na'e o ke eo 'ana o nä Wähine i ia pö iä Logan Tom a me Lë'ahi Hall, nähi 'öiwi hele loa, mau nö ke aloha a me ka mahalo i ke kälena nui palena 'ole o Kim Willoughby a me Lily Kahumoku, 'o ka heke o nä pua. Mali'a o eo iä Hawai'i ma Nü 'Olina ma këia hope koke iho.

'O ka mea 'äpiki, 'akahi nö a eo nëia mau Wähine (he 23-1), 'a'ole 'emo, lohea akula ka namunamu, "I hewa ho'i i ka näwaliwali o nä hui pöpö pa'ilima o ka WAC!" "E aho e ho'okükü me nä hui i 'oi a'e ka ikaika i 'ole e eo hou aku ma nä ho'okükü wae moho o ka NCAA."

A he 'i'o ko laila. He mea pono ka ho'okükü me nä kulanui nona nä hui 'eleu, e la'a 'o Kanapola, Kaleponi Hema, Kekaha Loa a me Nepalaka.

A he palupalu 'i'o nö nä hui pöpö pa'ilima WAC. Mai nö na'e a kani'uhü. Hiki ke ho'olilo 'ia këia "näwaliwali" i mea e 'oi a'e ai nä külana mäkaukau o ua mau Wähine Änuenue nei.

Penei ho'i kahi mana'o. Ke pä'ani hou 'o Hawai'i me nä hui hina wale, e la'a 'o Tekesa ma El Paso, Mekekiko Hema, Boise, a me Laiki, e ku'upau 'o Lily me Kim i ka päkï i ka pöpö i ka'a mai ke kemu mua iä Hawai'i, 'akahi i ka 'ole.

A pau, e lilo ka lua a me ke kolu o ke kemu i manawa e ho'oma'ama'a nui ai i ke pa'i ulele lele. He mea maopopo, hühewa ke ku'i 'ämana a nä kü pale, ke ho'olele aku 'o Kim i käna mau ahikao. Na Kim e a'o ka nui aku o nä Wähine i 'ï 'ia auane'i, e 'ole nä ahikao hü makani, pio ai te ahi a Logan me Lë'ahi mä.

A e lilo ho'i nei mau kemu WAC i wä no nä hänai, no Jennifer Carey a no Margaret Vakasausau, e ho'oma'ama'a nui ai i ka hänai wawe i nä kü waena, iä Maja Gustin me Lauren Duggins, a i ka hänai i hope i nä kü 'äkau, iä Susie Boogaard a me Nohea Tano.

Aia nö a wali ka 'ai i nä mea päkï, a laila e kü ho'okahi mai nä kumu paina lö'ihi o Loko, he alo a he alo, me ke älai 'ana mai iä Lily me Kim. 'O ia ka wä e 'ike 'i'o 'ia ai ka 'ai a ka Hawai'i a me ka Napoleona o Luikiana. A inä paha e küpiliki'i mai kahi ho'okükü, aia mau 'o Lily a me Kim ua mäkaukau.

Pëia kahi mana'o no nä ho'okükü o ka 'Ahahui 'Älapa Komohana, i 'ö'ili pulelo ka lima o ka hae moho o nä Wähine Änuenue o Mänoa.




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is part of University of Hawai'i President
Evan Dobelle's Initiative for Achieving Native Hawaiian
Academic Excellence at UH Mänoa.


BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

He mahalo i nā
Wāhine Ānuenue


Synopsis: This relates to Rainbow Wāhine volleyball and their weak WAC schedule.


E Kauakūkalahale ē, welina mai ke aloha.

Ma ka pō Pō'aono o kēlā pule aku nei, māka'ika'i a'ela nā kānaka he 10,250 a 'oi iki a'e e 'ike i ka hahana o ka ho'okūkū pōpō pa'ilima wahine ma waena o Hawai'i me kona hoapāonioni 'o Kanapola.

He hō'ailona ua heluna nei no ke ohohia a me ka mahalo nui i ka nui akamai o Po'oka'i Dave Shoji a me kāna mau Wāhine Ānuenue i nei pā'ani he pōpō pa'ilima. 'Akahi nō a kau 'o Shoji i ia hano he lae'ula pōpō pa'ilima no 'Amelika a puni.

Ma lalo o Shoji i eo ai iā Hawai'i nā ho'okūkū he 793 a i hā'ule ai he 146 wale nō, me ka lilo 'ana mai he 'ehā inoa moho NCAA iā Hawai'i (i nā MH '79, '82, '83, a '87 ho'i). A eia nō ke paio nei i lilo 'o Hawai'i 'o ia ka moho o ka makahiki 2002.

I loko nō na'e o ke eo 'ana o nā Wāhine i ia pō iā Logan Tom a me Lē'ahi Hall, nāhi 'ōiwi hele loa, mau nō ke aloha a me ka mahalo i ke kālena nui palena 'ole o Kim Willoughby a me Lily Kahumoku, 'o ka heke o nā pua. Mali'a o eo iā Hawai'i ma Nū 'Olina ma kēia hope koke iho.

'O ka mea 'āpiki, 'akahi nō a eo nēia mau Wāhine (he 23-1), 'a'ole 'emo, lohea akula ka namunamu, "I hewa ho'i i ka nāwaliwali o nā hui pōpō pa'ilima o ka WAC!" "E aho e ho'okūkū me nā hui i 'oi a'e ka ikaika i 'ole e eo hou aku ma nā ho'okūkū wae moho o ka NCAA."

A he 'i'o ko laila. He mea pono ka ho'okūkū me nā kulanui nona nā hui 'eleu, e la'a 'o Kanapola, Kaleponi Hema, Kekaha Loa a me Nepalaka.

A he palupalu 'i'o nō nā hui pōpō pa'ilima WAC. Mai nō na'e a kani'uhū. Hiki ke ho'olilo 'ia kēia "nāwaliwali" i mea e 'oi a'e ai nā kūlana mākaukau o ua mau Wāhine Ānuenue nei.

Penei ho'i kahi mana'o. Ke pā'ani hou 'o Hawai'i me nā hui hina wale, e la'a 'o Tekesa ma El Paso, Mekekiko Hema, Boise, a me Laiki, e ku'upau 'o Lily me Kim i ka pākī i ka pōpō i ka'a mai ke kemu mua iā Hawai'i, 'akahi i ka 'ole.

A pau, e lilo ka lua a me ke kolu o ke kemu i manawa e ho'oma'ama'a nui ai i ke pa'i ulele lele. He mea maopopo, hūhewa ke ku'i 'āmana a nā kū pale, ke ho'olele aku 'o Kim i kāna mau ahikao. Na Kim e a'o ka nui aku o nā Wāhine i 'ī 'ia auane'i, e 'ole nā ahikao hū makani, pio ai te ahi a Logan me Lē'ahi mā.

A e lilo ho'i nei mau kemu WAC i wā no nā hānai, no Jennifer Carey a no Margaret Vakasausau, e ho'oma'ama'a nui ai i ka hānai wawe i nā kū waena, iā Maja Gustin me Lauren Duggins, a i ka hānai i hope i nā kū 'ākau, iā Susie Boogaard a me Nohea Tano.

Aia nō a wali ka 'ai i nā mea pākī, a laila e kū ho'okahi mai nā kumu paina lō'ihi o Loko, he alo a he alo, me ke ālai 'ana mai iā Lily me Kim. 'O ia ka wā e 'ike 'i'o 'ia ai ka 'ai a ka Hawai'i a me ka Napoleona o Luikiana. A inā paha e kūpiliki'i mai kahi ho'okūkū, aia mau 'o Lily a me Kim ua mākaukau.

Pēia kahi mana'o no nā ho'okūkū o ka 'Ahahui 'Ālapa Komohana, i 'ō'ili pulelo ka lima o ka hae moho o nā Wāhine Ānuenue o Mānoa.




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is part of University of Hawai'i President
Evan Dobelle's Initiative for Achieving Native Hawaiian
Academic Excellence at UH Mānoa.



| | | PRINTER-FRIENDLY VERSION
E-mail to City Desk


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2002 Honolulu Star-Bulletin -- http://archives.starbulletin.com


-Advertisement-