Starbulletin.com

Kauakukalahale

By Laiana Wong



Note: Because most Web browsers are unable to display the kahako (horizontal line, or macron) used to add emphasis to a vowel in written Hawaiian, we have substituted the corresponding vowel with an umlaut (two dots, or dieresis). To view this text as it was meant to be read, you must have a Hawaiian-language font installed on your computer. You can obtain free versions of these fonts from the University of Hawaii-Hilo's Web site, http://www.olelo.hawaii.edu/eng/resources/fonts.html

Some newer Web browsers, (such as Netscape 7 and Internet Explorer 6 on certain operating systems) can display kahako without a Hawaiian-language font, using a specialized coding system called Unicode. To jump to a Unicode version of this column, click here.


Synopsis: The following piece announces itself as a new column written in the Hawaiian Language that will appear every Sunday. This column represents a revival of a long tradition of using the Hawaiian language as a medium for disseminating ideas to the public through various genre. It has been more than 60 years since the Hawaiian language has been featured regularly in a widely circulated newspaper.



Hulö! Hulö! He nühou ho'ohau'oli. Aloha mai käkou e nä makamaka heluhelu o ka Hökü Buletina, ka mea nona ka ho'oheno 'ia e waiho maila ma ka 'ao'ao mua o këia helu. Eia mai kahi kolamu hou i käkau 'ia ma ka 'ölelo kanaka, ka 'ölelo 'öiwi ho'i o nëia pae'äina, a e hö'ike ana nö ho'i i nä mana'o like 'ole a ma nä 'ano like 'ole ho'i no ka nïnau nui a me ka nïnau iki o ke ao nei. A 'o ka mea e hü wale a'e ai ka hau'oli, 'eä, 'o ia ho'i, 'o ua 'ölelo kanaka lä i aloha nui 'ia, e puka mau ana ma 'ane'i iho nei nö i këlä me këia Läpule.

E kapa 'ia ana ka inoa o këia kolamu 'o Kauakükalahale 'oiai 'o ke Kulanui 'o Hawai'i ma Mänoa kona wahi i ho'okumu 'ia mai ai a mohala a'e a launa mai ho'i me nä luna 'olu'olu o ka Hökü Buletina ma lalo o ke külanakauhale 'o Honolulu, kahi alahula o ia ua. Ke lana nei na'e ka mana'o e nihi aku auane'i këia ua a kü ma nä kala hale a pau mai 'ö a 'ö o ko käkou pae'äina nei.

E kala loa ka pa'i 'ia o kekahi kolamu 'ölelo kanaka ma loko o nä nüpepa puka lä o Hawai'i nei, he kanalima paha makahiki a 'oi iki aku, a he nui ka mahalo i nä küpuna o ia mau makahiki ma mua akula i 'a'apo maila i ia mea he käkau palapala a i ho'oikaika ho'i i ka hö'ike 'ana i ko läkou mau mana'o no ka noho 'ana o ia wä, a waiho nui mai nei me käkou ia mau mana'o a hiki i këia lä. He nui ho'i ka mahalo i ka po'e näna i ho'oikaika i ka ho'äla hou 'ana i këia mea he käkau mo'olelo ma loko o ka 'ölelo Hawai'i. Ua ola nä mamo iä läkou.

Ke lu'ulu'u nei kahi na'au i ka hala 'ana o ko käkou hoa i aloha nui 'ia, 'o Mähealani Dudoit, ka luna nui o ke Kuleana 'Öiwi Press, ua hala loa i ke ala ho'i 'ole mai. Ma muli o kona akamai a me ka 'onipa'a ho'i i ho'okumu 'ia ai ua puke kumuhana lä i ala e puka ai nä mana'o o ka po'e 'öiwi ma o kä läkou 'ölelo lä e koho ai, 'o ia ho'i 'o ka 'ölelo pa'i'ai, ka 'ölelo haole, a pau pü nö ho'i me ka 'ölelo 'öiwi o nëia 'äina.

Eia ho'i ka mana'o panina o këia kolamu. E 'ole ka ho'omanawanui 'ana o nä makamaka he nui hewahewa i nä ha'awina o ka ho'opa'a 'ana aku nei a pa'a pono ho'i iä läkou ua 'ölelo aloha nei o käkou, kupu mai nö këia wahi kolamu,'o Kauakükalahale, i 'ïna'i e moni ai ka ha'ae. A no laila, na käkou nö këia wahi i'a e hö'ono'ono aku i këlä me këia pule ma ka ho'ouna 'ana mai i nä mana'o like 'ole i käkau 'ia ma loko o ka 'ölelo Hawai'i. A inä he wahi hakahaka ko ke kino o Kauakükalahale, na ia mana'o nö e ho'opiha aku.




E ho'ouna 'ia mai nä leka iä mäua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is part of University of Hawai'i President
Evan Dobelle's Initiative for Achieving Native Hawaiian
Academic Excellence at UH Mänoa.


BACK TO TOP
|

Note: This version of the column is set in Unicode, which requires current Web-browser software (Netscape 7 or Internet Explorer 6 on most operating systems.) If the Hawaiian text below does not display properly, you may want to use the version coded for older browsers (above) instead.

Synopsis: The following piece announces itself as a new column written in the Hawaiian Language that will appear every Sunday. This column represents a revival of a long tradition of using the Hawaiian language as a medium for disseminating ideas to the public through various genre. It has been more than 60 years since the Hawaiian language has been featured regularly in a widely circulated newspaper.



Hulō! Hulō! He nūhou ho'ohau'oli. Aloha mai kākou e nā makamaka heluhelu o ka Hōkū Buletina, ka mea nona ka ho'oheno 'ia e waiho maila ma ka 'ao'ao mua o kēia helu. Eia mai kahi kolamu hou i kākau 'ia ma ka 'ōlelo kanaka, ka 'ōlelo 'ōiwi ho'i o nēia pae'āina, a e hō'ike ana nō ho'i i nā mana'o like 'ole a ma nā 'ano like 'ole ho'i no ka nī nau nui a me ka nī nau iki o ke ao nei. A 'o ka mea e hū wale a'e ai ka hau'oli, 'eā, 'o ia ho'i, 'o ua 'ōlelo kanaka lā i aloha nui 'ia, e puka mau ana ma 'ane'i iho nei nō i kēlā me kēia Lāpule.

E kapa 'ia ana ka inoa o kēia kolamu 'o Kauakūkalahale 'oiai 'o ke Kulanui 'o Hawai'i ma Mānoa kona wahi i ho'okumu 'ia mai ai a mohala a'e a launa mai ho'i me nā luna 'olu'olu o ka Hōkū Buletina ma lalo o ke kūlanakauhale 'o Honolulu, kahi alahula o ia ua. Ke lana nei na'e ka mana'o e nihi aku auane'i kēia ua a kū ma nā kala hale a pau mai 'ō a 'ō o ko kākou pae'āina nei.

E kala loa ka pa'i 'ia o kekahi kolamu 'ōlelo kanaka ma loko o nā nūpepa puka lā o Hawai'i nei, he kanalima paha makahiki a 'oi iki aku, a he nui ka mahalo i nā kūpuna o ia mau makahiki ma mua akula i 'a'apo maila i ia mea he kākau palapala a i ho'oikaika ho'i i ka hō'ike 'ana i ko lākou mau mana'o no ka noho 'ana o ia wā, a waiho nui mai nei me kākou ia mau mana'o a hiki i kēia lā. He nui ho'i ka mahalo i ka po'e nāna i ho'oikaika i ka ho'āla hou 'ana i kēia mea he kākau mo'olelo ma loko o ka 'ōlelo Hawai'i. Ua ola nā mamo iā lākou.

Ke lu'ulu'u nei kahi na'au i ka hala 'ana o ko kākou hoa i aloha nui 'ia, 'o Māhealani Dudoit, ka luna nui o ke Kuleana 'ōiwi Press, ua hala loa i ke ala ho'i 'ole mai. Ma muli o kona akamai a me ka 'onipa'a ho'i i ho'okumu 'ia ai ua puke kumuhana lā i ala e puka ai nā mana'o o ka po'e 'ōiwi ma o kā lākou 'ōlelo lā e koho ai, 'o ia ho'i 'o ka 'ōlelo pa'i'ai, ka 'ōlelo haole, a pau pū nō ho'i me ka 'ōlelo 'ōiwi o nēia 'āina.

Eia ho'i ka mana'o panina o kēia kolamu. E 'ole ka ho'omanawanui 'ana o nā makamaka he nui hewahewa i nā ha'awina o ka ho'opa'a 'ana aku nei a pa'a pono ho'i iā lākou ua 'ōlelo aloha nei o kākou, kupu mai nō kēia wahi kolamu,'o Kauakūkalahale, i 'ī na'i e moni ai ka ha'ae. A no laila, na kākou nō kēia wahi i'a e hō'ono'ono aku i kēlā me kēia pule ma ka ho'ouna 'ana mai i nā mana'o like 'ole i kākau 'ia ma loko o ka 'ōlelo Hawai'i. A inā he wahi hakahaka ko ke kino o Kauakūkalahale, na ia mana'o nō e ho'opiha aku.




E ho'ouna 'ia mai nā leka iā māua,
'o ia ho'i 'o Laiana Wong a me Kekeha Solis
ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i 'ole ia, ma ke kelepona:
>> 956-2627 (Laiana)
>> 956-2624 (Kekeha)

This column is part of University of Hawai'i President
Evan Dobelle's Initiative for Achieving Native Hawaiian
Academic Excellence at UH Mānoa.



| | | PRINTER-FRIENDLY VERSION
E-mail to City Desk


Text Site Directory:
[News] [Business] [Features] [Sports] [Editorial] [Do It Electric!]
[Classified Ads] [Search] [Subscribe] [Info] [Letter to Editor]
[Feedback]
© 2002 Honolulu Star-Bulletin -- https://archives.starbulletin.com


-Advertisement-